Themeluar në vitin 2019, Albania Knot Line lindi nga pasioni dhe përkushtimi ndaj punës së vërtetë artizanale. Nga viti 2019 ne krijojmë produkte të thurura me dorë, ku fija, druri dhe metali bashkohen në harmoni për të sjellë dizajne unike, të qëndrueshme dhe plot karakter. Albania Knot Line është pjesë e industrisë mbështetëse të turizmit në Shqipëri, një fushë dinamike dhe sfiduese që kërkon ritëm të lartë pune, organizim të kujdesshëm dhe korrektesë. Për shkak të kohës së shkurtër para sezonit turistik, përballemi çdo vit me sfida të mëdha logjistike dhe limite kohore, duke u përpjekur të përmbushim të gjitha kërkesat e bashkëpunëtorëve tanë në kohë dhe me standardin maksimal që na karakterizon. Çdo produkt është rezultat i kujdesit, korektesës dhe profesionalizmit që na shoqëron në çdo hap të procesit – nga ideja, te realizimi dhe dorëzimi. Ne besojmë se bukuria qëndron te detajet dhe se puna me dorë mbart shpirtin e krijuesit, prandaj çdo nyje që thurim është një histori më vete.